nga Cristina



Në 20 Maj, Instituti i Politikave Mjedisore mori pjesë në forumin qytetar mbi ndryshimet klimatike të organizuar nga ambasada franceze në Universitetin e Korçës. Përveç studenteve të Universitetit, kjo ngjarje u ndoq nga një numër qytetaresh dhe fermerësh te moshës në mes 60 dhe 80 vjet. Gjatë këtij forumi, u diskutuan aspekte të ndikimit të ndryshimeve klimatike në Shqipëri, ilustruar nga disa ekspertë, por qe u kontestuan nga banorët e Korçës. Njerëzit lokale e veçojne veten nga ndryshimet klimatike si një çështje globale duke theksuar se ato jane të shkaktuara para së gjithash nga vendet e industrializuara të tilla si Franca. Edhe pse qëndrimi individualist i këtyre njerëzve mund të kundershtohet, pasioni i pozicionimit te tyre eshte per tu vleresuar, sikurse dhe pjesëmarrja e tyre në Forumin e qytetarëve. Si përfundim, mund të thuhet se kjo ngjarje ka qenë një mundësi e madhe për njerëzit lokalë për të takuar politikëbërësit dhe ekspertët e ndryshimeve klimatike dhe për të ndarë pikëpamjet e tyre, duke përfaqësuar njëkohësisht një rast të madh të debatit demokratik.

Perfaqesuesit e Institutit te Politikave Mjedisore kryen takime me kandidatet per kryetar bashkie te Tiranes gjate periudhes se mbledhjes se mendimeve dhe takimeve me organizatat mjedisore, te organizuar nga Rrjeti ECIM ne kuader te fushates se gjelberimit te zgjedhjeve lokale 2015, mbeshtetur nga Programi SENiOR-A. Ne fakt, keto takime jane nje risi teper e dobishme qe i ve kandidatet perpara sfidave sikurse ti njohe ata nga afer edhe me aktivistet mjedisore.
Te gjithe kandidatet e takuar, Z. Gjergj Bojaxhi, Z. Halim Kosova dhe Z. Erion Veliaj shprehen maksimalisht deshiren per perfshirjen ne axhenden e tyre dhe platformen qe do te prezantojne ne fushate te ceshtjeve si parkimi ne Tirane, Menaxhimi i qenve te rruges, Gjelberimi i periferise, Menaxhimi i integruar i mbetjeve, Rruget e bicikletave, Permiresimi i orarit te ujit te pijshem, Krijimi i hapesirave per rekreativitet, rregullimi i vijezimit te rrugeve, semaforeve, pusetave, ndricimit si dhe edukimit te femijeve per dashurine ndaj natyres.
Ne shpresojme qe keto deklarata pervecse te perfshihen ne platformen e kandidatit, te mos ngelin vetem ne 30 ditet e fushates por te realizohen prej fituesit te zgjedhjeve vendore. Sidoqofte organizatat mjedisore jane te vendosura qe te monitorojne dhe te veprojne per te gjitha zhvillimet, ne menyre qe jetesa ne qytetin e Tiranes te kete ende shprese.

(kjo foto u lejua nga Znj. Alisa Peci)

Në kuadër te COP 21 – Konferenca e Kombeve të Bashkuara
mbi ndryshimet klimatike që do të mbahet në Paris në dhjetor 2015,
Ambasada Franceze në Shqipëri dhe Universiteti i Korcës,
organizojnë bashkërisht me bashkëpunimin teknik gjerman nepërmjet GIZ-it dhe OJQ-së mjedisore Instituti i Politikave Mjedisore,
një Forum Qytetar mbi temën e ndryshimeve klimatike.
Me këtë rast, disa tematika do të diskutohen nga Kërkuesit shkencore të Fakultetit të Bujqësisë të Universitetit të Korcës dhe fermere të rajonit të Korcës për një sensibilizim qytetar.

Fakulteti i Bujqësisë, Universiteti i Korcës “Fan S. Noli”,
Salla 221, Kati i 2-të
E Enjte, 20 Maj 2015
Ora 10h00
E hapur për të gjithë
Hyrja Falas

ftesa dhe programi: Forum Qytetar per Ndryshimet Klimatike Korce 20 Maj 2015

Nga Endri Haxhiraj dhe Edvin Pacara

Ankthi se cili do te jete kryetari i Bashkise se Tiranes per mandatin 2015-2019 ka filluar qe para fushates zyrtare. Kjo vjen per shkak se rrethi i pergjegjshmerise se kryetarit te ri do te rritet disa fish duke perfshire ne bashkine me te madhe ne vend edhe komuna me popullsi te konsiderueshme si ajo e Farkes, Kasharit, Dajtit etj.
Duke qene se ne keto zgjedhje kryefjala eshte rritja e mireqenies se banoreve, pritshmerite e votuesve jane maksimale. Kete vit banoret deshirojne permiresimin e cilesise se jetes se tyre dhe te femijeve. Per kete arsye Instituti i Politikave Mjedisore i adreson kanditateve per kryetar te bashkise se Tiranes 10 ceshtjet mjedisore qe kane ndjeshmeri te rritur tek banoret e Tiranes dhe qe kerkojne zgjidhje sa me te shpejte.
Pervec ndotjes mjedisore apo kercenimit te shendetit publik, keto ceshtje perbejne edhe shqetesimin e perditshem te banoreve duke u kthyer ne ankth dhe stres:
1. Zgjidhja e ceshtjes se parkimit ne Tirane duke ndertuar parkingje me kate nen dhe mbi toke. Rruget dhe hapesirat e pakta te Tiranes nuk mund te zihen nga individe private per ceshtje fitimi ose nga makina te amortizuara;
2. Menaxhimi i qenve te rruges nepermjet sterilizimit dhe rileshimit. Banoret duan qe qente te kurohen dhe menaxhohen por mos te vriten;
3. Gjelberimi i Tiranes dhe vecanerisht i periferise p.sh., hapja e hapesirave te reja me gjelberim midis qendrave te banuara, nxitja e vendosjes se bimesive ne tarraca, si dhe shfrytezimi i tokave te lira ne qytet qe te krijohen parqe publike;
4. Menaxhimi i duhur i mbetjeve duke futur grumbullimin e mbetjeve te ndara, edukimin dhe detyrimin e banoreve qe te ndajne mbetjet para se t’i hedhin, dhe bashkepunim i ngushte me biznesin riciklues;
5. Krijimi i rrugeve te pershtatshme per bicikleta pasi shume banore i mbajne bicikletat te bllokuara ne shtepi dhe jane te detyruar te perdorin makinen per ceshtje sigurie, rruget e bicikletave duhet te kene perparesi dhe te jene te lidhura me njera-tjetren e te shtrihen ne te gjithe qytetin;
6. Sjellja e ujit te pijshem me shume ore ne dite dhe permiresim i infrastruktures qe banoret te kursejne ne blerjen e tij me shishe perderisa uji ne burim eshte cilesor, duke ulur keshtu dhe prodhimin e mbetjeve plastike nga shishet plastike te ujit;
7. Krijimi i hapesirave per rekreativitet p.sh., kende lojrash per femijet, per te moshuarit etj,. Femijet sot luajne futboll ne rruget e lagjeve, duke rrezikuar jeten ose demtimin e mjeteve te parkuara aty. Bashkia duhet te fuse ne lejen e ndertimit detyrimin qe firma qe nderton pallatin te ndertoje edhe nje kend te hapur lojerash per femije brenda territorit te pallatit;
8. Masa kundra permbytjeve nga shiu brenda ne qytet ose prane lumenjve, duke hapur shtratin e mbuluar me mbeturina te Lumit te Tiranes dhe rikthim te shtratit te tij te meparshem qe ishte i gjere, me zhavorr e nuk shkaktonte permbytje;
9. Vijezimi i vazhdueshem i rrugeve, rregullimi i ndricimit, kapakeve te pusetave dhe i semaforeve kur prishen per te siguruar me shume jeten e kembesoreve;
10. Edukimi i femijeve me dashurine per natyren dhe punen ne komunitet duke integruar ne te gjitha shkollat e qytetit idene e kopshteve dhe serave per lule e perime.
Ne mendojme se keto sugjerime nese do te realizoheshin do te kishin ndikim te menjehershem ne permiresimin cilesor te jetes ne Tirane dhe do te hapte kapitullin e zhvillimit te qendrueshem te qytetit.

Projekti “Zhvillimi i qëndrueshëm i praktikave të menaxhimit të ujrave me qëllim konservimin e rrjedhave natyrore drejt basenit të OHRIT” po zbatohet nga Instituti i Politikave Mjedisore (IEP) në Pogradec. Projekti fokusohet në strategjinë e menaxhimit të të qëndrueshëm të ujit përderisa Liqeni i Ohrit dhe rrethinat janë pjesë e një zone të rëndësishme të biodiversitetit në rajonin Ballkanik.
Për këtë arsye, IEP ju fton të ndiqni videon në vijim (Anglisht): https://www.youtube.com/watch?v=02W68Oug2sI

Çfarë është nano-teknologjia?

Nano-teknologjia është shkenca që kontrollon lëndën në shkallë atomike dhe molekulare duke përdorur “grimca” me diametër 1 deri 100 nanometër. Nano-teknologjia përfshin një fushë të gjerë duke filluar nga pajisjet tradicionale deri në përqasjet e reja “të vetë-montimit molekular”, nga zhvillimi i materialeve të reja me dimensione të shkallës nano tek kontrolli i lëndëve në shkallë atomike.

Shkenca e përmasave nano po merr një zhvillim të vrullshëm mbarëbotëror si pasoje e investimeve te ethshme nga qeveritë e vendeve të zhvilluara duke pritur që kapitali i kesaj industrie të rritet nga 1 trilion dollarë në vitin 2010 në disa trilion dollarë mbas vitit 2014.

Sipas disa kërkuesve (The Project on Emerging Nanotechnologies, Qëndra Ndërkombëtare për Shkollarë Woodrow Wilson në Uashington), në ShBA çdo javë dalin ne treg 3 produkte të reja si psh: raketa tenisi, veshje antiplumb ndërsa në fushën e ushqimeve deri tani jane identifikuar rreth 300 produkte (Helmut Kaiser Consultancy Group ). Në këtë sens parashikohet se në vitin 2015, nano-teknologjia do të përdoret nga 40% e industrive ushqimore.

Shqetësimet kryesore të shkenctarëve lidhur me nano-teknologjinë janë:

• Ndërgjegjësimi publik dhe politik për nano-teknologjinë është shumë i ulët.

• Mbrojtja e konsumatorit do të jetë e dobët nëse nuk do të aplikohet kontrolli i produkteve të nano-teknologjisë në çdo aspekt të zinxhirit ushqimor.

• Zbatimi i nano-teknologjise do të shkaktojë humbje të vendeve të punës, forcim të forcave ushtarake dhe humbje të privacisë (sondazh nga revista Nature).

• Nano-teknologjia mund të jetë aq e aftë sa të shkatërrojë biosferën nga e cila varet e gjithë jeta.

Disa shembuj ilustrues të aplikimit të nano-teknologjisë:

Vajrat kanola nga Industria Shemen e Izraelit përmbajnë përbërës të përmasave nano të quajtura “nano-pika” të krijuara për të orientuar vitaminat, mineralet dhe kimikatet bimore në organizëm. Ndërsa Slim Shake nga RBC Life Sciences Inc. përdor “Nano Vilet” për të përforcuar shijen dhe dobitë shëndetsore të kakaos pa nevojën e sheqerit.

Senomyx, kompania e bioteknologjisë së shtesave ushqimore të veçanta, ka zhvilluar disa kimikate që megjithëse nuk përmbajnë shije në vetvete mund të imitojnë ose përforcojnë për shembull shijen e sheqerit ose kripës duke aktivizuar ose bllokuar receptorët e shijes në gojë. Sipas studimeve, një konsumator gjatë shijimit të ushqimeve nuk mund ta dallojë praninë e nano-përbërësve të përpunuar me ushqimin. (MERCOLA). Kompani si Nestle, Coca-Cola, etj, kanë paguar miliona dollarë pranë kompanise Senomyx për kërkime dhe zhvillime të kësaj bio-teknologjie.

Tendenca e rritjes së popullsisë do të çojë në rritjen e konsumit të mishit. Sipas FAO-s në vendet në zhvillim ku pozicionohet edhe Shqiperia, konsumi i mishit nga 28 kg për person në vitin 2002 do të shkojë në 44 kg në 2050.
Gjithsesi sot vlerësohet se bujqesia është kontribues i rëndësishem i emetimit të gazrave serë. Gazet serë (GHG) jane problem global, që nuk njohin kufi.

Për arritjen e mitigimit nevojitet analizimi i ciklit të jetës së blegtorisë dhe bujqesisë: kafshët, toka dhe bimët. Teknologjitë që rekomandohen për reduktimin e emisionit të gazit metan (CH4) nga kafshët bujqësore më shpejt të arritshme janë përmes dietës.
Në rastin e Shqipërisë, zjarrvënia e shpeshtë si praktikë në fushat bujqësore dhe erozioni i tokës janë ndër faktorët e shpeshtë shkaktarë të çlirimit të karbonit nga toka.
Me anë të bimëve leguminoze ulet niveli i oksidit të azotit N2O dhe fitohet fertilim (fara) prandaj për të arritur mitigimin, ferma duhet të shohë kostot dhe përfimet lidhur me këtë varietet bimesh.
Studiues Evropianë bien dakord se disa praktika të mira të mitigimi janë: pyllëzimi (sekuestrimi i karbonit (C) në biomasë dhe në dhé); reduktim i emetimeve për njësi; sigurimi i ushqimit; ulje e emisioneve në bujqësi.

Nga Endri Haxhiraj,

Hyrje

Ky punim synon të informojë autoritetet lokale/qëndrore për rëndësinë e investimeve në strehim, mbi bazën se ai jo vetëm përmirëson shëndetin e njerëzve dhe shanset e barabarta për jetesën, por që ka kuptim të shëndoshë ekonomik dhe që mund të kursejë para me kalimin e kohës.

Politikat për strehim të shëndetshëm

Varfëria, strehimi dhe shëndeti i dobët zakonisht janë të lidhura me njëra tjetrën, kjo do të thotë se është e vështirë të matësh përfitimet shëndetësore vetëm nga përmirësimi i kushteve të strehimit.

Tashmë ekziston lidhja midis strehimi të varfër dhe shëndetit të dobët. Shumë studime ndër-sektoriale kanë raportuar lidhje të qëndrueshme statistikore midis kushteve të këqija të banimit dhe shëndetit të dobët.

Kushtet e papërshtatshme të strehimit zakonisht prekin më të dobëtit dhe për më tepër ata që i vuajnë këto pasoja janë grupet vulnerabël të shoqërisë. Në përgjithësi ata të cilët përdorin më shumë e kërkojnë kushte më të mira strehimi janë të rinjtë, të moshuarit, të sëmurët dhe të papunët, që përfaqësojnë dhe nëngrupet më të ekspozuara nga rreziqet mjedisore (6). Ky grup vulnerabël, është midis atyre me më shumë gjasa për të jetuar në strehim të dobët dhe gjithashtu priren për të kaluar më shumë kohë në shtëpitë e tyre të ekspozuar ndaj rreziqeve potencialë të mjedisit (1).

Ata që kanë një strehim të dobët kanë më shumë gjasa të jenë të privuar socio-ekonomikisht dhe sëmuren për një kohë të gjatë.

Në këtë kontekst, hulumtuesit tregojnë se çfarë ndikimi të dobishëm shëndetësor ka përmirësimi i izolimin e brendshëm të banesave. Më tej ata mbështesin hipotezën se barra ekonomike e sëmundjeve nga të ftohtit mund të reduktohet nga masat që merren për përmirësimin e ngrohjes së shtëpive (4).

Strehimi i shëndetshëm dhe i sigurt duhet të jetë një kërkesë themelore për çdo shoqëri. Pasojat e sëmundjeve të lidhura me strehimin e papërshtatshëm, justifikojnë qasjen ndaj politikave për strehim të shëndetshëm. Strategjitë dhe politikat e strehimit janë komplekse dhe përfshijnë planifikimin dhe ndërtimin e banesave ndjekur nga përmirësimi, rinovimi dhe rikonstruksioni. Kjo nënkupton që strategjitë dhe politikat për strehim të shëndetshëm duhet të jenë gjithëpërfshirëse dhe duhet të përfshijnë një gamë të gjerë profesionesh (6).

Më konkretisht, autoriteteve lokale (Bashkitë, Komunat) kanë disa kompetenca dhe funksione që mund të promovojnë strehimin e shëndetshëm dhe të lehtësojnë kushtet të cilat kërcënojnë shëndetin dhe sigurinë.

Fillimisht, shërbimet sociale lokale duhet të njohin rolin që mund të japë strehimi i varfër në shëndetin dhe mirëqenien e banorëve dhe kur është e përshtatshme të bashkëpunojë me agjenci të tjera.

Së dyti autoritetet lokale zakonisht kanë përgjegjësi për nevojat e strehimit për zonën e tyre dhe për zhvillimin dhe zbatimin e strategjive të strehimit. Strategji të tilla përfshijë sigurimin e shtëpive të reja, skema për zëvendësimin e shtëpive të vjetra dhe aplikimin dhe zbatimin e standardeve. Rëndësia e veçantë në këtë pikë marrin masat infrastrukturore për të krijuar kushtet e një strehimi të shëndetshëm.

Së treti, organet publike të strehimit janë në një pozicion që kanë kompetencën për menaxhimin adekuat për të mirën e shëndetit dhe cilësisë së jetës së banorëve të tyre.

Investimet për përmirësimin e kushteve të banimit janë një mjet për përmirësimin e kushteve të jetesës së grupeve me të ardhura të ulëta në rrezik të madh shëndetësor dhe është një mjet potencial përmes të cilit politikat publike mund të përmirësojnë shëndetin dhe të zvogëlojnë pabarazitë shoqërore dhe shëndetësore.

Cilësia e banimit dhe shëndeti mendor

Ka disa arsye të mundshme pse strehimi me cilësi të dobët mund të ndikojë në shëndetin mendor.

Strehimi simbolizon identitetin e vetvetes dhe në këtë mënyrë strehimi i papërshtatshëm mund të çojë në stigmatizimin dhe ndjenjat e paaftësisë. Strehimi i varfër është stresues në disa aspekte më shumë shqetësime rreth rreziqeve dhe sigurisë (veçanërisht nëse janë të përfshirë fëmijët dhe mosha e tretë), mirëmbajtjen, shqetësimet financiare të lidhura jo vetëm me strehimin në vetvete, por dhe me faturat e shërbimit (p.sh., faturat e rrymës elektrike) (2).

Aspektet prindërore si përgjigjja ndaj nevojave të fëmijëve dhe mbikëqyrja e tyre, mund të ndërpriten kur prindërit përballen me vështirësi të vazhdueshme për banimin jo adekuat.

Së fundi për shumë njerëz, shtëpia e tyre është një strehë, një vend ku çlodhen nga stresi dhe tendosjet e jetës së përditshme dhe të punës, por për ata me strehim të papërshtatshëm, shtëpia mund të thotë më shumë vështirësi e jo më një vend strehimi (3).

Kosto ekonomike e strehimit jo të shëndetshëm- rasti studimit të Anglisë

Puna për matjen e “kostove të eksportuara” e strehimit jo të shëndetshëm është zhvilluar e pavarur në një numër vendesh. Sipas një studimi në Angli argumentohet se Shërbimi Shëndetësor Kombëtar në Mbretërinë e Bashkuar (NHS) rreth viteve ’90 harxhonte rreth 1/5 e buxhetit të tij për shëndetësinë duke u përpjekur për të kuruar sëmundjet që shkaktoheshin nga papunësia, varfëria, strehimi i keq dhe ndotja e mjedisit (5).

Më konkretisht, shpenzimet për trajtimin e sëmundjeve shëndetësore që rridhnin nga strehimi me standard të ulët është vlerësuar në 2.4 billion £ (stërlina) në vit (sipas Federatës Kombëtare të Banesave, 1997) (7). Kështu kostoja e plotë e një strehimi jo të shëndetshëm për shoqërinë është vlerësuar të jetë rreth 1.5 miliard £ (rreth 1.8 miliardë €) në vit. Kjo kosto në fakt mund të duket mjaft e ulët po të krahasohet me vlerësimet që janë bërë në të kaluarën. Megjithatë, duhet theksuar se ky vlerësim merr në konsideratë zvogëlimin e pasojave por jo në mënjanimin total të rrezikut ose ngritjen e standardit të gjitha strehimeve në një nivel optimal.

Si zgjidhje për situatën, kjo do të përkthehej në një kosto të hershme të parapaguar për të patur kosto totale më të ulur në të ardhmen.

Referenca

1- British Medical Association Board of Science and Education (2003). Housing and health: building for the future. London, British Medical Association Board of Science and Education.

(http://www.bma.org.uk/ap.nsf/AttachmentsByTitle/PDFhousinghealth/$FILE/Housinghealth.pdf, accessed October 2007),

2- Evans GW, Wells NM, Moch A (2003). Housing and mental health: A review of the evidence and a methodological and conceptual critique. Journal of Social Issues, 59:475-500.

3- Evans GW et al. (2000). Housing quality and mental health. Journal of Consulting and Clinical Psychology 68:526- 530.

4- Howden-Chapman P et al. (2007). Effect of insulating existing houses on health inequality: cluster randomized study in the community. British Medical Journal, 334:460-464.

5- Lawson R (1997). Bills of Health. Oxford, Radcliffe Medical Press.

6- Braubach, M., Jacobs, D.E., Ormandy, D., Environmental burden of disease

associated with inadequate housing, WHO, 2011.

7- National Housing Federation (1997). Housing for Health. London, National Housing Federation.

Në kuadër të iniciativave për promovimin e energjive të rinovueshme Instituti i Politikave Mjedisore (IEP) zhvilloi në 24 Shkurt konferencën: ´´Eficenca e Energjisë dhe Energjia e Rinovueshme në Banesa, Nxitja e të rinjve profesionistë drejt praktikave mjedisore”.
Kjo konferencë përbën aktivitetin përmbyllës të seminareve me të rinjtë e shkollës profesionale Karl Gega. Ndër përfundimet që u prezantuan në konferencë ishin se ka nevojë për një peshë më të madhe të trajtimit të elementëve të eficencës energjitike në shkollat profesionale, është e nevojshme nxitja e femrave të reja për tu afruar me këto teknika, të rinjtë nuk kanë njohuri të potencialit të tregut për energjinë e rinovueshme, shërbimeve, projektet e suksesshme të riaplikueshme, partnerët e mundshëm financiarë dhe mjetet, ka mungesë të aftësive teknike ose komerciale: për menaxhimin financiar të bizneseve, krijimin e planeve të biznesit për të tregtuar energjinë e ripërtëritshme, Bizneset nuk janë gjithmonë të gatshëm për të investuar në teknologjitë e energjisë së ripërtëritshme nëpërmjet të rinjve për shkak të mungesës së garancisë që ajo do të bëhet komercialisht e qëndrueshme dhe fitimprurëse.
Gjithashtu rezultatet e pyetësorit të zhvilluar në seminar me të rinjtë tregon se 70% e nxënësve të angazhuar ishin të informuar për konceptin efiçencës së energjisë, humbjet në rrjet dhe llambat LED por kishin mungesë informacioni mbi sasinë e energjisë së përdorur në banesa për ngrohje dhe ftohje, Pajisjet elektronike që konsumojnë më shumë energji në gjendje të fikur (në prizë), Krahasimi I llampave ekologjike me llampat inkandeshente, Pajisjet elelektroshtëpiake qe konsumojne më shumë energji në 1 ore pune.
IEP ja drejton këtë informacion autoriteteve qëndrore të linjës në mënyrë që të konsiderohen në zhvillimet dhe politikat e ardhshme për të rinjtë dhe punësimin e tyre.
Kjo konferencë u mundësia në kuadër të programit SENIOR-A e financuar nga qeveria Suedeze përmes REC Shqipëri.
Prezantim Politikat e punesimit te te rinjve dhe punet e gjelbra

Nxitja e të rinjve profesionistë drejt praktikave mjedisore

E Martë, 24 Shkurt 2015, Ora 10.00,
Tirana International Hotel, Salla Abret
Tiranë

Programi

10:00-10:05 Regjistrimi i të pranishmëve

10:05-10:15 Fjala hapëse, Z. Endri Haxhiraj, Zv. Drejtor Instituti i Politikave Mjedisore (IEP)

Fjalët përshëndetëse

10:15-10:20 Z. Ersilio Tusha, Specialist për Arsimin Profesional (MMSR)

10:20-10:25 Z. Mihallaq Qirjo, Drejtor i Qendrës Rajonale te Mjedisit (REC)

10:25-10:30 Z. Agron Pëllumbi, Drejtoria e Arsimit dhe Formimit Profesional

10:30-10:35 Z. Sami Vavla, Drejtor Shkolla e Mesme Teknike Karl Gega

10:35-10:50 Prezantimi i rezultateve të pyetësorit mbi informacionin që kanë të rinjtë për eficencën e energjisë,
Znj. Alida Ndreu, IEP

10:50-10:55 Pyetje dhe diskutime

10:55-11:10 Prezantim: Prezantim i projektit me te rinjtë e shkollës Karl Gega dhe rezultatet e punes së tyre,
Znj. Teutal Malshi, IEP

11:10-11:15 Pyetje dhe diskutime

11:15-11:25 Prezantim: Politikat për energjinë dhe të rinjtë. Z. Endri Haxhiraj, IEP

11:25-11:30 Pyetje dhe diskutime

11:30-11:40 Shpërndarja e certifikatave për të rinjtë pjesmarrës në seminaret e IEP

11:45 Kafe përmbyllëse